TN-a Thoothukudi-ah khuahkhirhna hlip

Tamil Nadu-a Thoo­thukudi district-a nawrh huaihawt leh police-te innawr buai avanga mipui punkhawm khapna thupek tihchhuah chu nimin khan hlih a ni ta.

Thoothukudi district-ah hian Sterlite Industries-in copper smelting plant a siam duh lohna lantirin mipuiten nawrh an huaihawt a, nawrh huaihawt leh police-te innawr buainaa police-te silai hmehpuahah mi 13 an thi a ni. Buaina chhuak punlun zel tur ven nan thuneitute chuan mi panga aia tam punkhawm khapna thupek a hmang nghal a ni.

District Collector chuan district chhung bo­ruak chuan ziaawm lam panin,buaina chhuak thar a awm lo niin a sawi. Thingtlang hmun ṭhen­khatah thil thleng eng emaw a la awm nia sawi chu an enfiah dawn tiha sawi. Tualchhung boruakin ṭhat lam a pan avangin punkhawm khapna thupek pawh hlih a nih thu a sawi.