June 1-ah Maha loneitute nuar dawn

Maharashtra state-a loneitute chuan June 1 hian sorkarin an harsatna a chinfel sak loh avanga lungawi lohna lantirin state pumah nawrh huaihawt an tum.

Kisan Kranthi Jan Andolan member advocate Kusum Sawant chuan state chhunah June 1 aṭanga 10 thleng nawrh huaihawt an tum thu sawiin, June 10 hian ram pum huapa nawrh huaihawt an tum bawk tih a sawi. Political hruaitu, an nawrh huaihawt thlawp lote chu June 10 thlengin thingtlang khaw hrang hrangah hian an kal an remti dawn lo tih a sawi bawk.

Kusum Sawant-i chuan Mandsaur-a police-te silai hmehpuaah thi loneitute sunna chu June 6 hian rampumah neih a ni dawn tih a sawi. Maharashtra-a nawrh huaihawt tur hi loneitu pawl hrang hrang 130 velin an zawm dawn tih a sawi bawk a ni.