Delhi court-in gangster Abu Salem-a thiam loh chantir

Delhi court chuan kar kalta Inrinni khan gangster Abu Salem chu kum 2002-a Delhi-a sumdawng pakhat hnena cheng vaibelchhe nga pe tura a phut chungchangah thiam loh a chantir.

Additional Sessions Judge Tarun Sehrawat-a chuan Salem hi sum pe tura phut chungchangah thiam loh chantir a ni tih sawiin, July 30-ah hremna pek tur chu puan a ni ang, a ti. Hemi rual hian court chuan he thubuai veka inhnamhnawha puh, Chanchal Mehta, Majid Khan, Pawan Kumar Mittal leh Mohammad Ashraf te erawh chu finfiahna a awm ṭha tawk lo nia sawiin thiam a chantir thung.

Abu Salem hian kum 2002 khan Dehi chhim lam, Greater Kailsah-a sumdawng lian pakhat Ashok Gupta chu cheng vaibelcheh nga pe turin a phut nia sawi a ni. Salem hi Indian Penal Cdoe sections 387, 506 leh 507 hnuaiah thiam loh chantir a ni a, kum sarih thleng lung-in tang tura hrem theih a ni ang. Salem hi judicial custody-ah dah mek a ni.