LoC-ah bunker 5,500 siam dawn

Jammu and Kashmir-a Rajouri district thuneitute chuan Pakistan leh India inrina, Line of Control (LoC) kaltlanga Pakistan sipaiten India lam hawia silai an hmehpuah fo avangin ramri chhehvela chengte inhumhimna tur, underground bunker 5,500 leh community hall 200 sak mek a nih thu an sawi.

He project hi state sorkar leh unoin ministry of home affairs (MHA) pawhin an pawmpui tawh a, a project thawhna tur hian cheng vaibelchhe 153.60 ruahman niin, financial year kal mekah zawhfel hman tum a ni.

Bunker 5,196 hi km 120-a thui LoC-a block pasarihah siam a ni dawn a, LoC atanga km 0-3 huam chin­ah commnity bunker 260 leh community hall 160 siam a ni bawk ang. Hengte hi Pakistan sipaiten in­kahhai thuthlung palzuta silai an hmehpuaha mipuite inhumhimna tura ruahman a ni.