Thuthang dik lo vanga innekbuainaah mi 100 in hliam tuar

Bihar-a Bihar Sharif rel station-ah Inrinni zan khan lir a nghing nia thuthang dik lo vangin mi tam tak an innekbuai a, mi 100 velin hliam an tuar.

Innekbuaina thlen lai hian rel station-ah hian mi 6,000 vel an awm nia sawi a ni a, an zinga a tam zawk chu IIT entrance examination neih tura inlan tum zirlaite an ni. Zirlai pakhat chuan a mumangah lir a nghing nia sawiin a au zui a, hei vang hian station-a mipui awmte chu innekbuai zui ta a ni. Zirlai 58 te chuan hliam na tak an tuar a, damdawi-in panpui nghal an ni.