Journalist-te chungchang mawi lo taka sawitu AIADMK in ban

Tamil Nadu-a rorellai, AIADMK party chuan an party hruaitu Hari Prabhakharan chu journalist-te chungchang mawi lo taka sawi a, 'khawlai uicho' tia a twitter-a a ziah avangin party hruaitu a nihna leh chanvo dang a neihna atangin a ban. Hari Prabhakaran hi AIADMK IT wing-a senior official a ni.

Nimin khan Chief Minister O Panneerselvam chaun Tuticorin-a tharum thawhna thlenga hliam tuarte chu meeting a neihpui a, he meeting-a tel tum journalist-te chu dan an nih hnuin, AIADMK hruaitu hian mawi lo takin a sawizui a ni.

Hari Prabhakaran hian a twitter-a a thu ziah hi a hnu lawkah a delete nghal a, ngaihdam a dil zui bawk. Mahse party chuan a chungah action la nghalin, a post chelh lai zawng zawng aṭangin an ban nghal a ni.

Prabhakaran chuan a thusawi chu a mimal ngaihdan a nih thu leh, an party ngaih dan a nih loh thu a sawi. A thusawi pakhat avanga mi eng emaw zat rilru natna a thlen chu pawi a tih thu sawiin, midang huatna leh tihnat duhna a nei lo tih a sawi. A thu post avanga an rilru a tihnat sakte chungah ngaihdam a dil nghal bawk.