PM Modi-a'n Mann Ki Baat vawi 82-na hmang

Prime minister Naren­dra Modi chuan nimin khan thlatina radio programme a hman ṭhin, Mann Ki Baat vawi 82-na a hmang.

'Mann ki Baat' kaltlang hian PM chuan ram mipuite hnenah thuchah sawiin, thlatina Pathianni hnuhnung berah he hun hi a hmang ṭhin. Mahse tun thlaah erawh chuan he programme hi Pathianni ni hnuhnung ber dawttuah a hmang thung.

Nimina PM thusawi tlangpuite -
 India ramin Covid-19 vaccine tluklehdingawn khat chuang semchhuak tawhin, mellung pawimawh tak a siam avangin lawmthu a sawi a, ramchhunga vaccine semchhuah hna kalpui mekah mipuite inpekna avangin hlawhtlinna hmel kan hmu thei a ni.
 Covid vacccine dose tld khat semchhuah chuan ram tan chakna leh phurna thar pein hmalam kan pan zel a ni
 Health worker-te chawl loa an thawhrimna chuan entawn tur ṭha tak min hnutchhiah a, "Mipui tana inpekna leh rawngbawlna kawngah khaikhin rual loh entawn tur an hnutchhiah" a ni.
 India hi khawvela a hmasa ber zinga mi ni turin, thingtlang lamah drone hmangin digital land record neihna tur a buatsaih a mi.
 Drone policy thar hi tunlai leh hun lo thleng tur mila siam a ni. He policy kan tihchhuah aṭang hian rampawn leh ram chhunga mahni kutkawiha in din,startups-te chuan drone start-up atan hian an rawn invest a ni. Army, Navy leh IAF te chuan drone siamna atan India company hnenah Rs vaibelchhe 500 hu order an siam tawh.
 Hmeichhe zinga police-a lut an pung zel chu fakin, kum 2014-a hmeichhe police nuai 1.05 aṭangin nuai 2.15-ah a kai chho tawh a ni.
 Tualchhung thil siam chawi larna, 'vocal for local' campaign chungchang pawh sawiin hun puiah pawh tualchhunga thil siam chhuahte lei uar turin a chah bawk.