Court la hawng rih dawn lo

Supreme Court-a judge pasarih awmna committee chuan court la hawn rih loh a rel a, ram chhunga Covid-19 hri leng ziaawm hun ngaihchan rih phawt an tum a ni.

He committee hi Jus­tice NV Ramana chuan a kaihruai a, ram chhunga court hrang hrang la hawn rih loh chu an remti tlang ta a ni. India ramah Covid-19 hri leng hian ziaawm mai a la pan loh avang leh mipuite kan him tlan zawk theih nan dan pangngaia anga court hearing neih ṭhin chu tihtawp lailawk zel a la nih thu an rel.

Tun thla tawp hian committee hi neih leh tum a ni a, July-ah hawn theih a ni dawn em tih ngaihtuah ṭha leh dawn niin media ṭhenkhat chuan an tarlang.