India mi hruai haw turin thlawhtheihna 165 tir dawn
Covid-19 vanga ram danga tangkhangte hruai haw hna thawh thumna atan, sorkar laipui chuan Gulf huam chhung ram hrang hrangah thlawhtheihna 165 a tirchhuak dawn.
Vande Bharat Mission tih hmingin ram danga India mi tangkhangte hruai haw hna hi kalpui mek a ni. Hruai haw hna hi thawh hnih kalpui a ni tawh a, a thawh thumna hi June 10-30 chhungin neih a ni ang. Thawh thumnaah hian Gulf ram bakah Europe-ah nitin thlawhtheihna 80 thlawh tir tum a ni bawk.
Nilaini aṭang khan Air India chuan Europe aṭanga India-a haw duhte tan ticket a hralh chhuak an a ni. Ram dang aṭangin India mi 70,000 chuang hruai haw an ni tawh a, heng mite hruai haw nan hian thlawhtheihna 17,000 hman a nih tawh thu Civil Aviation minister Hardeep Singh Puri chuan a sawi.