Amit Shah leh cabinet minister-ten RSS hruaitute hmu

Bharatiya Janata Party (BJP) president Amit Shah leh union cabinet minister paruk-te chuan Thawhṭanni khan New Delhi-ah Rashtriya Swayamsevak Sangh (RSS) hruaitute hmuin, sorkar laipui programme leh policy hrang hrangte an sawipui.

Meeting hi RSS Joint General Secretary Krishna Gopal-an a kaihruai a, BJP Vice President Vinay Sahasrabuddhe, General Secretary Ram Madhav leh Secretary Ram Lal te bakah union minister Rajyavardhan Rathore, JP Nadda, Maneka Gandhi, Mahesh Sharma, Prakash Javadekar leh Thawarchand Gehlot-te an tel.

RSS deparmtent hrang hranga hotute chu he meeting-ah hian an tel bawk a, BJP hotu leh minister-te chu sorkar laipui scheme ṭha zawka kalpui a nih theih dan tur thurawn te pein, policy thar siam tur chungchanga an rawtna neihte pawh an sawilang nghal bawk. Meeting hi vawiin thleng hian neih chhunzawm a ni ang.