Karnataka-in Primary school leh hnuai lam online class a khap
Karnataka sorkar chuan lockdown vanga school khar a nih avanga zirlaite tana online class kalpui mekah, primary school leh KG te chu online class neihpui a khap.
Education minister S Suresh Kumar chuan state sorkar chuan professor MK Sridhar kaihhruai education expert-te awmna committee a din rawtna angin primary school leh a hnuai lam tana online class neih chu khap a ni tih a sawi. Class 6-10 inkar tana online education kalpui ṭhatna leh ṭhat lohna chungchang pawh zirchiang tura tih an nih thu leh, committee hian ni 10 hnuah report a thehluh tur thu a sawi.
Private school ṭhenkhatin KG zirlaite thlenga online class an kalpui avangin nu leh paten Primary and Secondary Education Department-ah complaint an thehlut a, hemi hnu hian he thutlukna hi siam a ni ta a ni. State sorkar chuan private school-te chu 2020-21 academic year atan fee tipung lo turin a hriattir bawk.