PM Modi leh Indonesia President Widodo inhmu

Prime Minister Narendra Modi leh Indonesia President Jako Widodo te chu nimin khan Indonesia khawpui, Jakarta-a Mederka Palace-ah an inhmu.

PM Modi hian Thawhlehni zan khan Indonesia a thleng a, official-a a tlawhna hmasa ber a ni. Nimina Modi leh Widodo inkawm hian ram pahnihte thawhdunna hrang hrang, insumdawn tawnna leh investment chungchangte an sawidun a ni. Hruaitu pahnihte hi Indonesian Chamber of Commerce and the Industry buatsaih CEO Business Forum bakah Confederation of Indian Industry event buatsaihahte an tel bawk.

Modi hian President Wikodo a hmuh hma hian Kalibta National Heroes' Cemetery-ah pangpar a dah bawk a ni. Kalibata Heroes’ Cemetery hi Jakarta chhim lama awm niin, kum 1953 khan siam a ni a, kum 1954 November thla khan hawn a ni. He thlanmualah hian Indonesian War of Independence hunlaia an ram tana nunna hlan sipai 7,000 chuang zet phum a ni.