Haryana minister-in Rahul Gandhi leh Nipah virus khaikhin

Haryana health minister Anil Vij chuan Congress president Rahul Gandhi chu tunlaia hri leng mek, Nipah virus nen tehkhinin, Rahul Gandhi chuan amah hnaihtu apiang a tichhia a ni, a ti.

Anil Vij hian ṭawngkam mawi lo, leh inhnial chawk chhuak thei zawnga thu a sawi a ching hle. Taj Mahal pawh 'thlan hmun mawi tak' tiin a lo sawi tawh a ni. Hei bakah Delhi University zirlai Gurmhar Kaur-in RSS zirlai pawl ABVP a sawisel chungchang lo thlawptute chu Pakistan ṭantu, India ram aṭanga paihchhuah tur a ni, a ti tawh bawk.

Haryana BJP minister hian Rahul Gandhi hi a beih ṭum khatna a ni lo a, nikum khan Congress president atana Rahul Gandhi dah chuan Prime Minister Narendra Modi-a thil tum, Congress awm lohna India ram din a tumna tih hlawhlinna kawngah a pui dawn niin a sawi. Rahul Gandhi chuan a ui leh inlengte chaw pekna plate a hman ṭawm a, a ui leh Congress worker-te chu ang khatin a en a ni, ti tein a lo sawi tawh a ni.

Jawaharlal Nehru leh Mahatma Gandhi-te chungchang pawh sawi tawhin India ram tan vuak leh kutthlak vawi khat pawh an tawk lo a, anni ai chuan Bhagat Singh leh Lala Lajpat Rai te chu India tan an inpe nasa zawk a ni, a ti.