Ramri bialah optical fibre cable hmang dawn

Union Defence Minister Nirmala Sitharaman-i chuan sorkar laipuiin border area-a defence lam mi leh civil miten inbiakpawhna lama harsatna an tawh fo ṭhin tihziaawmna turin optical fiber cable hman vek a tum tih a sawi.

Minister chuan optical fibre cable hmanna tur hian additional fund pawh ni 10 kalta khan union cabinet chuan a sanction tawh a ni, a ti.

Nirmala Sitharaman-i chuan," Border area-a optical fibre cable dah hna hi thawh ṭan thuai a ni ang. Indo-China inri-naa border area zawng zawng chu OFC hmanga thlunzawm vek a ni dawn a, hei hian mobile leh telephone connection ṭha zak a siam bakah, radio frequency thlengin a changtlun phah dawn a ni", tiin a sawi.

Defence Minister hian Arunachal Pradesh-a Anjaw district-a border village, Kibithoo a tlawh ṭumin tualchung mite chuan frequency ṭhat loh vangin All India Radio pawh an man thei lo tih an lo hrilh tawh a ni. Chinese radio station chauh an man thei a, border area-ah chuan mobile network pawh a chhe hle tih an sawi a ni.