Damdawi-in ṭhenkhatte'n Covid-19 ward hawng leh

Ramchhunga Covid-19 hri kai chu hlauhthawnawm khawpin tam lo mah se hunpui hman mek karah damdawi-in ṭhenkhatte chuan hri kai an pun belh zel tih an tarlang.

Hri kai enkawl mek hi la tlem mah se damdawi-in tam takte chuan Covid ward an hawng leh ṭan tawh a, a kar hmasa ai khan kar liamta chhung khan hri kai damdawi-in panpui hi 20-25% velin a punbelh tih an sawi. Doctor pakhat chuan thla nga liamta chhung khan an damdawi-inah hri kai panga an rawn luh laiin kar liamta chhung khan mi panga vek an rawn luhbelh tih a sawi. "Inthlahdah vangin hri kai hi chu an punbelh kan ring sa a, mahse hri kai dante uluk takin kan enfiah mek a ni," tiin doctor chuan a sawi.

Doctor tam zawkte chuan vaccine lak ṭhat vangin hri kai an tlem phah thu leh hri vanga harsatna liantham tawk pawh an tlem phah niin an sawi. Hetih lai hian tun kar hnih - thum lo thleng tur hi a pawimawh takzet tih sawiin, hri inlarna tak tak chu hemi zawh hian a inṭan dawn niin an sawi.

"Hri kai thar tam thut avangin Covid ward te hi hawn an ni a, a hmaa hri kai an tlakhniam vanga kan khar hnuah dengue hri kai pung chak tak kan hmachhawn leh ta thung a ni," tiin Asian Institute of Medical Sciences-a consultant physician leh Covid-care expert Dr Charu Dutt Arora chuan a sawi a ni.

Doctor-te hian test tam zawk kalpui tur leh hri inthlakdanglam a awm em tih ngunthluk taka enfiah ṭhin turin thurawn an pe.

"Delhi chu dinhmun ṭha takah awm mek mah se kar khat chhungin tui mal far ang maiin hri kai chhete an awm chho leh ṭan a ni," tiin Indraprastha Apollo Hospitals-a senior consultant (internal medicine) Suranjit Chatterjee chuan a sawi.