UP-ah Zika virus kai hmu ; Sorkarin high-level team a tir nghal

Uttar Pradesh-ah Indian Air Force (IAF) officer pakhat chu Zika virus a kai tih finfiah a ni a, sorkar laipui chuan thil awmdan enfiah turin high-level multi-discplinary team a tir nghal.

Health official-te chuan Kanpur-a cheng, IAF officer, kum 57 mi hian October 22 khan Zika virus a kai tih finfiah a nih thu sawiin, World Health Organisation (WHO) in kaihhruaina a lo siam tawh angin contact tracing neih nghal a ni a, a chenna bul vela chengte dinhmun pawh enfiah nghal a ni, an ti.

Kanpur chief medical officer Dr Nepal Singh chuan Zika virus kai tih hi finfiah a nih hnuah, team 10 siamin a chenna leh hnathawhna hmuna hma an la nghal a, house-to-house survey-te neiin a contact hnaivai 22-te sample an la nghal bawk tih a sawi. Heng sample-te hi Lucknow-a King George's Medical University (KGMU)-ah thawn nghal an ni.