PM-in medical college thar 157 dinna tur pawm

Prime minister Narendra Modi chuan medical college 157 din tharna tur a pawm.

Union health minister Mansukh Mandaviya chuan ram mipuiten damdawi lam inenkawlna ṭha leh daihzai zawk an neih theihna turin PM chuan medical college 157 din thar tumna chu a pawm tih sawiin, medical student tan seat tam zawk awm chhoin, mipuite chuan enkawlna ṭha leh tlawm zawk an dawng thei dawn a ni, a ti.

Health Minister chuan cancer, diabetes enkawlna man tlawm zawk leh in check-up na turin ramchhung hmun hrang hrangah Ayushman health and wellness centre 1,50,000 chuang a din a, heng zinga 79,000 chu hawn fel an ni tawh thi a sawi. Mipuiten damdawi man tlawm zawka an lei theihna turin Jan Aushadi centre pawh 8,000 chuang siam a ni tawh a, heng hmun hi mi nuai 20 chuangin an chhawr tawh a ni, tiin a sawi.