Tamil Nadu-a halpuah dawr kangah mi panga thi ; Tamil Nadu CM-i'n chhiat tawkte Rs. nuai 5 pek tiam

Tamil Nadu-a Kallakurichi district-a Sankarapumam khuaah Thawhlehni khan halpuah dawr chu puakin a kang zui a, mi panga an thi a , mi 25 in hliam an tuar.

Sankarapuram leh Kallakurichi-a kangṭhelh pawlte chu kangmei chhuahna hmunah hian kang mei chhuak ṭhelh tumin an tlan nghal a, halpuah puak ri ring tak te chuan khawchhung mipuite chu a tithlabar hle a ni. "Dawr nghaktu leh neitu nia rin mi panga te chu Diwali urlawk laiin Sankarapuram-a halpuah dawr kangah an thi a ni," tiin senior police officer chuan a sawi. Hliam tuar mi panga te hi Kallakurichi-a sorkar damdawi-inah hruai an ni. He thil thleng hi police-te chuan an chhui chiang mek a ni.

Tamil Nadu chief minister MK Stalin chuan kangmei chhuaka thi chhungte hnenah zangnadawmna Rs nuai nga ṭheuh leh hliam tuar emergency ward-a enkawl mek te tan Rs nuai khat ṭheuh a pek tur thu a sawi.