Pakistan chak lawm vanga mante chhuah turin Mufti-in phut

Jammu and Kashmir chief minister hlui leh Peoples Democratic Party (PDP) president Mehbooba Mufti chuan T20 World Cup cricket match-a India laka Pakistan an chak hnua Pakistan chak lawmna thu WhatsAPP status-a an hman avanga man, Agra college-a Kashmir zirlaite chu chhuah turin a phut.

Agra, Uttar Pradesh-a Raja Balwant Singh Management Technical Campus-a Kashmir zirlaite hi Nilaini zan khan man an ni.

PDP President chuan, "J&K pawn lamah Kashmir zirlaite umzui leh bitum an ni zui zel hi a lungawi thlak loh hle a ni. Heng zirlaite hi a rang thei anga chhuah turin ka phut a ni," a ti. Agra college thuneitute pawhin zirlaiten campus chhungah India dodalna thu lam engmah an aupui lo tia an sawite pawh a sawichhawng bawk. Report chuan college thuneitute hian hetianga ti tur hian BJP worker-ten an nawr lui nia complaint a awm thu an tarlang.