SCO summit-ah Prime Minister Modi a tel

Prime minister Narendra Modi chu Thawhlehni khan Shanghai Cooperation Organisation (SCO) summit vawi 20-na neihnaah telin thu a sawi. Summit hi hripui leng vangin virtual-a neih a ni. 

SCO summit-ah hian China president Xi Jinping pawh a tel a ni. India leh China hi ramri chungchangah thla ruk chhung zet an intithiam lo tawh a ni.

1)     India chuan remna leh muanna bakah hlawhtlinna hawi zawnga hmalakna chu a duh hle a, firfiaka chetna te, smuggling, drug leh dik lo taka pawisaa insumdawn tawnnate a do tlat a ni.

2)     SCO charter-a thurin hrang hrangte tihlawhtling turin India chu englai pawhin a inpeih reng a ni.

3)    India chuan hman aṭang tawhin Shanghai Cooperation Organisa­tion-a member ramte hi a lo thurual­pui tawh ṭhin a, ram dangte dikna leh chanvo inzahsaka inkungkaihna ṭha neih chu  a duh reng a ni.

4)    Covid-19 hri leng vangin khawvel chuan harsatna a tawk mek a, he hun harsa karah pawh India chuan ram 150 chuangah damdawi leh a kaihhnawih thil ṭhahnem tak chu a thawn chhuak tawh a ni.

5)    Khawvela vaccine siamchhuak hnem ber ram India chuan  vaccine siam chhuah kawngah ṭan a la zel a, he hri leng hi do a nih zel theih nan vaccine tam tak a thawn chhuak tawh bawk.

6)    United Nations (UN) chuan kum 75 hmel a hmu ta a, a thil tum tam tak te tihhlawhtlin ni tawh mah se, a thil tum ber erawh a la tihhlawhtling lo. 

Thawhlehnia SCO summit neihah hian member ram pariat China, Kazakhstan, Kyrgyzstan, Russia, Tajikistan, Uzbekistan, India leh Pakistan an tel kim thei a, summit hi Russia chuan a kaihruai a ni. India hi kum 2017 aṭang khan SCO member a ni ṭan a ni.