RBI Governor term kum thum dang pawtsei ; Kum 2024 thleng office a luah dawn

Sorkar laipui chuan nimin khan Reserve Bank of India (RBI) Governor Shaktikanta Das-a term chu kum thum dang a pawhsei sak.

Sorkarin thuchhuah siamin, Shaktikanta Das term pawhseina tur hi Appointments Committee of Cabinet chuan a pawmpui tih sawiin, 10.12.2021 aṭanga kum thum chhung emaw, thupek dang tihchhuah a nih leh hma emaw chu he hna hi a chelh chhunzawm tih a tarlang.

Shaktikanta Das hi kum 2018, December thla khan RBI Governor atana ruat a ni. Das hi Tamil Nadu cadre IAS officer niin, kum 2015-2017 inkar khan Economic Affairs secretary a ni a, a chawlh hnuah 15th Finance Commission member atan leh G20 Sherpa of India atan ruat a ni. Finance ministry-a a awm lai hian union budget pariat buatsaihnaah a tel hman.

Kum 2018, December 12 khan Reserve Bank of India Governor 25-na atan ruat a ni.