Mi tam takin lockdown an la thutak tawk lo : PM Modi

Prime minister Narendra Modi chuan hri leng darh tur venna atana thuneituten inkharkhipna tur, lockdown an puan chu mi tam takin an la thutak tawk lo niin a sawi. 

PM chuan state hrang hrang hnenah 'lockdown' puan chu khauh taka kengkawh turin a ti a, thupek zawm lote lakah pawh action la turin a ti bawk. Modi chuan, "Mi tam takin lockdown hi an ngai thutak tawk lo hle. Khawngaihin inveng him ula, in chhungte  himna ngaihtuah ula, sorkar thupek zawm ang che u. Dan leh thupek te zawm a nih ngei theih nan state sorkarte chu ṭan la turin ka ngen a ni," a ti. 

Hri leng vang hian ramchhunga district 80 velah complete lockdown puan a ni a, heng hmunah hian ni tin khawsakna atana mamawh zual chauh lakluh phal a ni. State tam takin mi pali aia tam punkhawm khapna, Section 144 an puang a, he thupek zawm lo te chu pawisa chawi tir emaw, thla khat emaw jail tantir theih an ni a, thla ruk thleng pawhsei theih a ni bawk.