Gujarat Health & Family Welfare ministry in Covid-19 veite enkawlna tur damdawi rawt

Gujarat sorkara Mi­nistry of Health & Family Welfare chuan coronavirus  kaite enkawlna turin damdawi chi hnih, Hydroxygloroquine leh Azithromycin chawhpawlh chu a ṭangkai hle tih an hmu­chhuak tih an sawi. 

Ministry chuan ram­chhunga Covid-19 kaite enkawlna tura heng damdawi hman dan tur chung­changa kaihhruaina hi an siam thuai dawn niin Gujarat sorkar chuan a tarlang. 

Gujarat health and family welfare department principal secretary, Jayanti Ravi chuan Pa­thianni khan prime minister Narendra Modi chuan ramchhunga pharmaceutical company-te chu video conference meeting a neihpui thu leh, he hun­ah hian Gujarat aiawhte chuan hydroxychloroquine leh Azithromycin damdawi hman kawp chu hri kaite enkawlna atana ṭangkai hle tih a hrilh a ni, a ti. An thil hmuhchhuah hi scientific evidence pawh a awm tih an sawi bawk.