Akhilesh-te pafain bungalow chhuahsan

Supreme Court thupek tihchhuah tawh angin, Uttar Pradesh chief minister hlui Akhilesh Yadav leh a pa Mulayam Yadav te chu Ningani khan sorkar bungalow aṭangin a inthiar chhuak. An pafa hian a hmain insawnchhuah nan kum hnih hun pe turin lo ngen tawh mah se, Ningani khan an inthiarchhuak ta a ni.

Supreme Court chuan Uttar Pradesh-a CM hlui, sorkar bungalow la luah zuite chu inla chhuak vek turin thupek a lo tihchhuak tawh a ni. Court thupek tihchhuah a nih hnu hian Akhilesh Yadav chuan insawnna tur in a nei lo tih sawiin hun pe turin a ngen a, Mulayam pawhin a in neihah chuan amah vengtu turte awmna tur leh inleng a neihte lo dawnsawnna tur hmuna awm lo tia sawiin kum hnih hun pe turin a ngen bawk. Anni bakah hian CM hlui Mayawati, Rajnath Singh, Kalyan Singh leh ND Tiwari te pawhin bungalow an la luah zui reng a ni.