Loneituten nawrh huaihawt

Ramchhunga state pariat-ah nimin aṭang khan loneituten ni 10 awh tur nawrh an huaihawt ṭan.

Loneiute hian kum khat liamtaa Madhua Pradesh-a loneituten nawrh an huaihawt ṭuma police te silai hmehpuaha loneitu paruk thihna a thlen champhaah nawrh hi an huaihawt ṭan a ni. Madhya Pradesh, Maharashtra, Punjab, Rajasthan, Uttar Pradesh, Karnataka, Haryana leh Chhattisgarh-ah nawrh hi huaihawt a ni a, thlai thar, bawnghnute leh farm product lam semchhuahte an titawp a ni.

Nawrh huaihawt hi loneitu pawl hrang hrangten an zawm a, tun ṭum nawrh huaihawtah hian kawngzawh leh punkhawm lam kalpui loin, bazar puia bawnghnute leh thlai an supply ṭhin an titawp thung a ni. Hmun tam takah chuan khawlaiah bawnghnute te an leihbua, an thlai thar tam tak an paihkhawm bawk.

Loneitu thil phut zingah an thlai thar pekchhuahna rate tihsan an phut bakah, loan ba an neihte ngaihdam an phut a ni.