Mayawati-in bungalow chhuahsan

Uttar Pradesh chief minister hlui, Bahujan Samaj Party (BSP) president Mayawati-i chuan Supreme Court thupek angin kar kalta Inrinni khan sorkar bungalow a la luah, '13-A Mall Avenue a chhuahsan ve leh ta.

Supreme Court chuan UP CM hlui, sorkar bungalow la luah chhunzawm te chu inthiar chhuak turin a lo ti tawh a, a hmain Akhilesh Yadav leh Mulayam Yadav-te pawh an lo insawnchhuak tawh a ni. Inrinni khan Mayawati chuan a bungalow, 13-A Mall Avenue hi chhuahsan ve lehin, he hmun hi BSP dintu Kanshi Ram hriatrengna in atan puan a ni tawh tih a sawi nghal bawk. BSP chuan kum 2011 khan UP cabinet chuan he bungalow hi Kanshi Ram hriatrenga atana dah a lo remti tawh niin a sawi.