SAfrica-ah Swaraj-i a zin

External Affairs Minister Sushma Swaraj-i chu ni nga cham turin Pathianni khan South Africa-ah a zin.

Sushma Swaraj-i hian a cham chhungin South Africa hruaitute a kawm dawn a, nimin khan Johannesburg-a BRICS Foreign Ministers Meeting-a tel bawk. Hei bakah hian IBSA Foreign Ministers Meeting a kaihruai dawn bawk a ni. BRICS hi ram panga–Brazil, Russia, India, China leh South Africa intelkhawm niin, IBSA hi ram pathum–India, Brazil leh South Africa te awmna a ni.

June 6 hian Mahatma Gandhi'n non-violence philosophy bul a ṭanna, Phoenix settlement pawh a tlawh nghal dawn niin Ministry of External Affairs (MEA) chuan a sawi. June 6-7 chhunga Pietermaritzburg-a event hrang hrang buatsaihah a tel dawn bawk a ni.