Class 1 leh 2-a homework tihbona tur bill pulut dawn

Union Human Rersource Development Minister Prakash Javadekar chuan Class 1leh 2 zirlaite homework pek ṭhin titawpna turin Parliament-ah bill putluh tum a ni tih a sawi.

Madras High Court chuan May 30 khan sorkar laipui hnenah, state sorkar tinte chu an state-ah ṭheuh zirlaite school bag rih lutuk tihzansak tur leh, Class 1leh 2 naupangte home work pek ṭhin titawp tura hriattir turin a lo ngen tawh a ni. Court chuan naupangte school bag rih zawng chu a aktu naupang taksa rih zawng aṭanga 10% aia rit a ni tur a ni lo, a ti.

Jadavekar chuan nuamti taka lehkha zir loh chuan thil zir thiam theih a ni lo tiin, court thutlukna siam hi pawm zawng tak a nih thu a sawi. He thupek hi an zirchiang ang a, a ṭul angin hma an la zui dawn tih a sawi.

Union minister chuan Parliament Monsoon Session neih hunah sorkar chuan Right of Children to Free and Compulsory Education Act, 2009, rualin 'no homework' bill a pulut dawn tih a sawi a, pass ngei pawh a nih a beisei thu a sawi bawk.