PM Modi leh US Defence Secretary inkawm

Prime Miniter Narendra Modi leh US Defence Secretary James Mattis te chu kar kalta Inrinni khan Singapore-ah an inkawm a, India leh US inlaichinna leh thawhdunna ṭha leh nghet zawk neih dan turte an sawi.

Modi leh Mattis hi Singapore-ah hian International Institute for Strategic Studies’ 17th Asia Security Summit, Shangri-La Dialogue tia sawi hmang turin an kal a, summit kar lakah meeting hi an nei a ni.

Hruaitu pahnihte hian US-India inlaichinna pawimawh ziate sawi dunin, ram pahnihten international law kenkawhna kawnga chanvo pawimawh tak an chelh thu te, Indo-Pacific boruak ṭha leh zalen a awm theihna tura an pawimawhnate an sawidun a ni. Hei bakah hian India leh US inlaichinna nghet zawk siam te, boruak muanawm leh ngialnghet siam tura theihtawp chhuah zelte an tiam a ni.