Flag meeting neih hnuah Pakistan-in inremna bawhchhe leh

Jammu and Kashmir-a Pakistan leh India inri-na, international border (IB)-a inkahhai puan palzuta ram pahnih sipaiten silai an hmehpuah fo avangin Thawhṭanni khan ram pahniha sector commander level flag meeting neih a ni a, mahse meeting neih hnu lawkah Pakistan sipaite hian Indian post lam hawiin silai an hmehpuak zui leh nghal.

Flag meeting hi Pakistan ngenna anga neih a ni a, Suchetgarh-ah neiin Border Security Force (BSF) leh Pakistan Rangers commander-te chuan darkar hnih chhung meeting hi an nei a ni. He meeting-ah hian international border-a inkahhai puan chu vawnnun zel an remtih thute ziakin an dah a ni.

Mahse meting neih hnu, nimin zing dar 1 vel khan Pakistan sipaite hian IB-a Akhnoor sector-a mortar an kap leh a, mahse thil tihchhiat lian tham leh hliam tuar an awm lo niin police-te chuan an sawi a, India sipaite hian an chhang let lo nia sawi a ni bawk.

Union Home Minister Rajnath Singh chuan nihnih chamin J&K hi a tlawh dawn a, a cham chhung hian border area-te tlawhin sipaite bakah tualchhung mite a kawm dawn a ni.