PM hlui Indira Gandhi zahna hlan

Kum 1984-a a security guard-ten an kahhlum, prime minister hlui Indira Gandhi thih champha pualin nimin khan Congress party chuan Shakti Shal-ah zahna an hlan.

Shakti Shal-a PM hlui zahna hlantu zingah hian Congress hruaitu, a tupa Rahul Gandhi pawh a tel. Rahul Gandhi chuan, "Ka pi khan a hun tawp thlengin huaisen takin ram tan a thawk a ni," a ti. Congress party pawhin India rama hmeichhe prime minister hmasa ber, Iron Lady of India chu zahna chibai an buk thu an tarlang bawk.

Prime minister Narendra Modi pawhin a twitter-ah PM hlui Indira Gandhi zahna hi a hlan ve bawk a ni.