Rahul Gandhi-an MP election campaign ṭan

Congress President Rahul Gandhi chuan nimin khan Madhya Pradesh election campaign bul ṭanin, Mandsaur bula Piplya Mandi khuaah rally a huaihawt.

Madhya Pradesh bakah BJP sorkarna state pahnih–Rajasthan leh Chhattisgarh te chu kumin kumtawp lamah an inthlang dawn a ni.

Rahul Gandhi hian nikuma loneituten nawrh an huaihawt ṭuma police-te silai hmehpuaha thi, loneitu parukte hriatrengna pualin rally hi buatsaih a ni. Rally-ah hian Congress hruaitu Kamal Nath, campaign panel chairman Jyotiraditya Scindia, state assembly-a eptu hruaitu Ajay Singh bakah party hruaitu hlun Digvijaya Singh-te pawh an tel a ni.