Loan scam case-ah SBI chairman hlui Pratip Chaudhuri man

Rajasthan police-te chuan State Bank of India (SBI) chairman hlui Pratip Chaudhuri chu kum 2008-a hotel sakna tura Godawan Group hnena SBI aṭanga loan, cheng vaibelchhe 24 pek kaihhnawihah nimin khan New Delhi-ah an man.

Godawan Group-in an loan an rulh theih loh avangin bank chuan an thil neihte a laksak a ni. Kum 2016, SBI chairman-a Chaudhuri a awm lai hian an thil laksak, cheng vaibelchhe 200 dawn hu chu Alchemist Asset Reconstruction Company (ARC) hnenah cheng vaibelchhe 25-in an leitir a ni.

Market value aia hniam daiha bank-in a hralh angin Godawan Group hian court-ah an zualko a nghal a ni. Bank-in man tlawm taka a leitirna, Alchemist Asset Reconstruction Company (ARC)-ah hian Chaudhuri hi SBI hotu aṭanga a pension hnuah director-in a awm zui bawk.