SC-in air quality ziaawmnaah green crackers hal phal

Supreme Court chuan Diwali lawmna atan air quality ziaawmna, poor category chunglama awmah green cracker hal a phalsak.

Justice AM Khanwlikar leh Ajay Rastogi-ten Thawhṭannia special sitting an neihah he thu hi sawiin, "Halpuah hal hi khap bur a ni vek lo. Supreme Court leh National Green Tribunal chuan air quality-te poor level aia a ṭhatna hmunah chuan green cracker hal phal a nih thu pawh an lo tichhuak fo tawh a ni," an ti.

Green cracker-ah hian chemical hlauhawm tel loin, boruak bawlhhlawh pawh an siam tlem zawk a ni. Green cracker-ah hian aluminium, barium, pottassium nitrate emaw carbon a tel lo a ni. Halpuah pangngai aiin 30% velin pollution a siam tlem zawk a, mahse a man erawh a to zawk thung a ni.