Chhattisgarh-ah Naxal hel panga man

Chhattisgarh-a Sukma bialah nimin khan Naxal hel panga an man a, heng helte hi March thlaa Kistaram-a bomb tipuaha Central Reserve Police Force (CRPF) pakua thihna thlenga inhnamhnawiha puh an ni.

Tualchhung police, CRPF leh CoBRA commando-ten thawkhoa beihpui an thlaknaah helte hi man an ni. Kumin March thla khan Naxal helte hian Sukma-a Kistaram leh Paodi paramilitary camp inkarah bomb chak tak tipuakin, CRPF motor a fuh a, sipai pakua thiin pahnihin hliam an tuar a ni.

Nimin vek khan Jharkhand-a Saraikla biala Naxal ho nena inbeihnaah CRPF-a CoBRA commando pakhat a thi a, police pakhatin hliam a tuar. Security force leh helho hi zing dar 7 velah Saraikela-Kharsawan district-a Dalbhaga-Arki area-ah am inkap a ni.