Chhattisgarh-ah Naxal hel 51 that

Chhattisgarh-a Sukma leh Bijapur district-ah thla nga chhungin security force-ten Naxal hel 51 an that niin Sukma Superintendent of Police (SP) Abhishek Meena chuan a sawi.

Kum 2017, November leh 2018, March thla inkara Naxal hel thahte hi Punjari Kanker-ah 10, Konta, Wst Bastar leh Jagargunda-ah pakua ṭheuh, Kistaram-ah pariat, Kerlapal-ah pathum, Pamed-ah pahnih leh Darbha area-ah Naxal hel hi pakhat thah an ni.

India ram chhunga state 10 velah Naxal helte hi an chetla ber a, an zingah Chhattisgarh hi helho chet hluarna ber zingah a tel a ni. Chhattigarh Chief Minister Raman Singh chuan Naxal hel ho hi na taka beih let an nih tur thu a sawi. Thla hmasa khan Union Home Minister Rajnath Singh chuan Chhattisgarh-a helho hluarna bial hi a lo tlawh tawh a ni.