State/UT 9-ah Dengue leng vangin Sorkar laipuiin expert team a tir

Union health ministry chuan state/UT pakuaah Dengue hri kai an pun chhoh avangin state dinhmun leh sorkar hmalak dante enpui turin Thawhlehni khan expert team a tir.

Expert team tirhnate hi Haryana, Punjab, Kerala, Rajasthan, Tamil Nadu, Uttar Pradesh, Uttarakhand, Delhi leh Jammu and Kashmir-te an ni. Team member-ah hian National Centre for Disease Control leh National Vector Borne Disease Control Programme official-te pawh an tel.

Union health minister Mansuk Mandaviya chuan union health secretary hnenah tun hnaia dengue hri kai tamna state-ah thil awmdan enfiah tura expert team kaltir tur hian a hriattir a, hei bakah Delhi-a dengue hri leng mek thunun a nih theih dan turte a ngaihtuah pui bawk. Delhi-ah hian kuminah Dengue kai hi 1,530 chuang an awm tawh a, an zinga 1,200 hi October thlaa kaite an ni. Hei hi kum li chhunga thla khata Dengue hri kai an tam ber ṭum a ni.