WHO-in Covaxin a pawm sak ta
World Health Organisation (WHO) chuan India rama Covid vaccine siam, Covaxin chu emegency use listing, EUL atan a pawmsak ta.
WHO-in a pawm tak avangin Covaxin la te hi ram danga an zinnaah inkhunghran emaw, khuahkhirhna dang emaw an hmachhawn a ngai tawh dawn lo a ni.
Covaxin hi puilting, kum 18 chunglam tana hman tura pawm niin, naupang tan leh nu, naupai lai tan hman ahim em tih chungchangah erawh data an pek chu a la tawk lo niin WHO chuan a tarlang.
WHO chuan Covaxin chu Covid hri lakah 78% a rintlak tih sawiin, dose hniha lak tur niin a dose khatna lak aṭang ni 14 emaw, a aia reiah emaw dose hnihna lak tur a ni, a ti. A dahthat dan hi a awlsam avangin ram rethei zawkte pawn a remchang dawn hle tih a sawi.
Covaxin siamtu, Bharat Biotech chuan EUL pek an ni chu lawmawm a tih thu sawiin, ram dangte pawhin an lei theihna tura hmalakna pawimawh tak a ni, a ti. EUL atana pawmsak tur chungchang hi WHO hian a ngaihtuah rei hle a, July thla khan data hmasa ber an thehlut tawh a ni. WHO in a pawmsak mai loh avang hian he vaccine la, Indian zirlaite ram danga kal tur tam takin harsatna an tawh phah a ni.
WHO-in Covid vaccine a pawmsak zingah hian India rama siam, Covishield leh Covaxin chu an tel ve ta a ni.