Rajasthan CM-in fuel-a chhiah lak tihhniam belh turin PM ngen

Rajasthan chief miniter Ashok Gehlot chuan prime minister Narendra Modi kaihhruai sorkar laipui chu tuialhthei-a chhiah a tihniam chu a aia tam tihhniam belh leh turin a ngen.

Sorkar laipuiin fuel-a excise duty a lakte a tihniam rual hian state sorkarte pawh Value Added Tax (VAT) a lak chu tihniam ve turin a ngen a, state eng emaw zatin an tihniam ve nghal a ni.

Rajasthan sorkar pawhin VAT a lak hi petrol litre khatah Rs 1.8 leh diesel litre khatah Rs 2.6 in a tihniam ve a ni. CM Gehlot chuan VAT an tihhniam avang hian state sorkarin kum khata a sum hloh hi Rs vaibelchhe 1,800 a tling dawn tih a sawi. Hemi rual hian mipuite harsatna chhawk zangkhaina tur chuan sum hloh hi an inhuam reng tih a sawi bawk.

Ram chhunga thil man sang zel tihziaawm a nih theihna turin PM Modi chu fuel-a excise duty tihiam belh leh turin a ngen. Sorkar laipui hian petrol-a chhiah a lak ṭhin chu litre khatah Rs 5 leh diesel litre khatah Rs 10 in a tihniam a ni. Hei hi kum thum chhunga sorkar laipuiin excise duty a tihhniam ṭum khatna a ni.