PM Modi-a'n Shankaracharya lim a hawng

Prime minister Narendra Modi chuan nimin khan Uttarakhand-a Kedarnath-ah feet 12-a sang zawlnei Adi Guru Shankaracharya-a lim siamṭhat a hawng a, temple siam ṭhat hna thawhna tur project Rs vbc 400 hu lungphum a phum nghal bawk.

Prime Minister hian nimin zing khan Dehradun aṭangin Kedarnath hi panin, Shiva temple-ah hian ṭawngṭaina hun a hmang nghal a ni.

Kedarnath a thlen hnu hian Modi chuan kum 2013-a tui lian rapthlak takin temple maicham a tihchhiat siamṭhat hna thawh mekte a en a ni. Kum 2013, June thlaa tuilian vanga tlang aṭanga lung lian tak rawn lum chu temple hnunglamah hian a tang a, he lung hian chhiatna lian zawk thleng thei lakah a veng niin an ngai.

Tuilianin a tihchhiat, ton 35-a rit, Shankaracharya lim hi kum 2019 aṭang khan siamṭhat hna hi thawh leh a ni. Uttarakhand chief minister Pushkar Singh Dhami leh governor Lt Gen Gurmit Singh (retd) te'n PM hi an ṭawiawm a ni.