Sorkar laipuiin Zydus Covid vaccine dose vbc 1 lei dawn

Sorkar laipui chuan Zydus Cadila Covid vaccine, ZyCoV-D dose vaibelchhe khat a order tih official-te chuan an sawi.

Ahmedabad-based firm, siam, ZyCov-D vaccine hi khawvela DNA-based Covid vaccine hmasa ber niin, dose thum lak a ngai thung. India rama damdawi lam thuneitu chuan kum 12 chinte hman turin a pawm hmasak ber a ni.

Official chuan union health ministry-in ZyCoV-D dose vaibelchhe khat a order thu leh, dose khat hi tax tel loin Rs 358 a nih thu a sawi. He vaccine hi kum 12 chin hman tura pawm ni tawh mah se, puitlingah pek hmasak an nih phawt tur thu a sawi. Dose thum lak tur niin, dose lak inkar hi ni 28 kar dan zel tur a ni bawk.

Company official-te chuan an vaccine siam hi sorkar hnenah thla khatah dose vaibelchhe khat an pek theih tur thu an hrilh tawh a ni.