J&K-ah firfiak paruk kap hlum

Jammu and Kashmir-a Keran sector-ah ramri kaltlanga India rama rawn luh tum, firfiak parukte chu nimin zing khan security force-ten an kap hlum.

Report chuan a tirah firfiak pathum kahhlum an nih thu a sawi. Mahse defence thupuangtu chuan Line of Control (LoC) aṭanga luhruk tum firfiak dang pathum kahhlum belh leh an ni tih a sawi a ni.

Nimin vek khan Jammu-a Poonc district-ah sipai pahnih chu chilpuah bomb puak vangin hliam na tak an tuar. Sipaite hian Sabzian sector-ah Kanari forward post an siam a, sipai pakhat chuan chilpuah bomb phum hi a rap puak palh a ni. Hliam tuarte hi damdawi-in panpui nghal an ni bawk. LoC ah hian ramri patlanga firfiak rawn luh ruk tumte venna atan chilpuah bomb phum a ni fo a ni.