Prime Minister hlui Vajpayee damdawi-inah dah

Prime Minister hlui Atal Bihari Vajpayee chu nimin khan All India Institute of Medical Sciences (AIIMS), New Delhi-ah dah luh a ni.

Vajpayee hi a ngaihtuahawm lo a, doctor-te thurawn angin check-up tura dah a ni.

Vajpayee hi BJP zinga India ram prime minister ni thei hmasa ber a ni. Kum 1996 Lok Sabha inthlanah khan BJP hi party mala seat la hnem ber niin, seat 161 a la a, Congress-in seat 140 a la. BJP kaihhruai sorkar dingin Vaypayee hi India ram Prime Minister 10-na ni tura lakluh a ni. BJP kaihhruai sorkar hi Mayawati-i party, BSPchuan a thlawp a tiam a, mahse a hnu lawkah eptu lamah an awm dawn thu an sawi leh a ni. Hei vang hian sorkar siam tura member an ngah tawk loh vangin Vajpayee hian President hnenah banna a thehlut a ni. Kum 1998-2004 inkar khan a term hnihna atan PM atan hian lakluh a ni leh a ni.

BJP hruaitu hlun Vajpayee hi kum 1994 khan Best Parliamentarian title hlan a ni a, kum 2015 khan India rama civil mite chawimawina sang, Bharat Ratna hlan a ni bawk.