Lunga mi tawng ṭhinte chu kah hlum mai tur : BJP MP

Bharatiya Janata Party (BJP) Rajya Sabha MP DP Vats chuan Jammu and Kashmir-a lunga mi tawng ṭhinte chu kah hlum mai tur a ni, a ti.

Rajya Sabha MP hian Bhiwanin, Haryana-a thu a sawiah Jammu and Kashmir sorkarin lunga mi tawng ṭhinte lakah thubuai siam sut a tum chungchang sawichhuakin, "Sorkarin thubuai siamte sut leh a tum tih ka lo chhiar a, mahse ka ngaihdanah chuan hetianga lunga mi tawn ṭhinte hi kahhlum an ni zawk tur a ni", a ti.

Union Home Minister Rajnath Singh chuan kar hmasa khan J&K-a ṭhalai, security force-te lunga an tawng avanga thubuai siamsakte chu an thubuai sut a nih tur thu a puang a ni. Rajnath Singh hian J&K a dan leh thupek dinhmunte enfiah turin kar hmasa khan ni hnih chamin a tlawh a ni. A cham chhung hian Governor NN Vohra, Chief Minister Mehbooba Mufti leh senior official-te kawmin, an state dinhmunte a sawipui a ni.