Akhilesh-an 2019 inthlanpuiah Maywati thawhpui a duh

Uttar Pradesh chief minister hlui, Samajwadi Party (SP) hruaitu Akhilesh Yadav chuan Mayawati-i party, Bahujdan Samaj Party (BSP) nena an thawhdunna chu kum 2019-a Lok Sabha inthlanpui neih thlenga chhunzawm a duh thu a sawi.

Pathianni-a Mainpuri-a public meeting buatsaiha thu a sawiah Akhilesh Yadav chuan, "BSP nena kan thawhdunna hi chhunzawm zel a ni dawn a, kan seat ṭhenkhat pek ngai dawn mah se kum 2019 thlenga thawhdun kan duh a ni. BJP hi hneh ngei an nih theihna tura beih kan tum a ni", ati.

Thla hmasa khan UP-a Kairana parliament by-election neihah eptu lam candidate hi a chak a ni. Hemi hma hian SP leh BSP ṭangdun hian BJP chakna bial, Chief Minsiter Yogi Adityanath leh a deputy Keshav Prasad Maurya-a bial, Gorakhpur leh Phulpur-ah hnehna an lo chang tawh bawk a ni.