UP CM hluite bungalow chhuahsan enfiah dawn

Uttar Pradesh Chief Minister Yogi Adityanath-a chuan an chief minister hlui panga-te bungalow chhuahsan chu a endik a, thil kim lo leh bo a awm em tih enfiah turin estate department a hriattir.

CM chuan CM hluite bungalow chhuahsanah chuan thil chhia a awm tihte chhui chiang tur leh, thil tihchhiat a awm chuan hriattirna tichhuak turin a ti bawk.

Estate department chuan CM hluite bungalow chhuahsan ho hi an endik tawh aṭangin Akhilesh Yadav-a bungalow tih loh, bungalow dang chu a him ṭha niin an sawi. Thil ho leh thil chhia an hmuh loh thu an sawi. Hetih lai hian Akhielesh-a bungalow chhuahsan, 4 Vikramaditya Marg bungalow-ah chuan department-in a thil lo dahsa zawng zawngte a bo vek a, thil tihchiat pawh a tam hle niin a sawi. Bungalow enfiahnaah hian official-te hi thlalatu ten an zui a, inchhung dinhmun leh thil tihchhiat te hi a thla an la vek a ni.

Official-te chuan in kil khata marble temple tih loh chu inchhung hmun dangte chu an tichhe nasa hle niin an sawi. Floor leh wall tile, mable slap-te chu siamṭhat tlak loh khawpa tihchhiat an ni a, electricity switch board, switch te pawh pawh phawi a ni bawk. Swimming pool te chu vutin an chhung khat vek bawk. AC, TV, furniture leh fan te pawh lakchhuah an ni.