J&K-ah police post bei

Jammu and Kashmir-a Pulwama district-a police guard post chu nimin zing khan firfiakten an bei a, police pahnih an thi a, mi dang pathumin hliam an tuar.

Firfiatke hi pali nia hriat a ni a. district court complex-a police post hi an kap a, police-te hian an kap let ve nghal a ni. Hun eng emaw chen an inkah hnuah firfiakte hi an tlanchhia a ni. Police hliam tuarte damdawi-inah hruai nghal a ni a, an inbeihna hmun hi mipui tlawh theih loh tura khar nghal niin, firfiakte zawn beihpui thlak nghal a ni bawk.

Nimin vek khan firfiakten J&K-a Anantnag-ah CRPF post chu grenade hmangin an bei bawk a, sipai 10 in hliam an tuar. Police thupuangtu chuan firfiakte hian nimin zing khawvar hmain Janglat Mandi area-a CRPF post-ah hian grenade an vawm lut niin a sawi. Sipai hliam tuarte chu damdawi-in hruai an ni a, an ngaihtuahawm lo nia sawi a ni.