UNESCO Creative Cities List-ah Srinagar telh

United Nations Educational, Scientific and Cultural Organisation (UNESCO) chuan Creative Cities List-a telh tur khawvela khawpui 49 a thlanchhuah zingah Srinagar a tel. India ram khawpui zingah he list-a telh pathumna niin,a hmain Mumbai leh Hyderabad an lo tel tawh a ni.

UNESCO director-general Audrey Azoulay chuan Unesco creative cities network (UCCN)-a khawpui 49 telh tharte chu khawpui tana hmasawnna an kalpuina zawnga culture dah pawimawh leh, creativity an neih ṭhat vang tih sawiin, khawpui dinna kawngah hian architect, town planner, landscaper leh citizen chungchangah urban model thar an awm a ngai a ni, a ti.

Prime minister Narendra Modi chuan UCCN-a Srinagar khawpui telh a nih chu lawmawm a tih thu sawiin, Jammu and Kashmir mipuite a lawmpui thu a sawi. Khawpui 49 telh tharte nen UCCN list-ah hian khawpui 295 an awm tawh a ni.