Covaxin pawmpuina tihchhuah hunah Naupang tan vaccine semchhuak dawn

Naupangte chuan Covid-19 vaccine an lak hun an nghah leh hret a la ngai dawn a, Bharat Biotech siam Covaxin pawmpuina hmuh anih hunah chauh sorkar laipui chuan a semchhuak thei dawn tih senior official chuan a sawi.

Sorkar hian naupang kum 12-17 inkar tana dose thuma lak chi, Zy-CoV-D chu emergency use authorisation (EUA) pek a nih hnuah supply a tlem avangin naupang tana pekchhuah hi la remchang rih loah an ngai a ni. Covaxin hi puitling tan hman mek a ni a, naupang kum 2-18 inkar hman atan pawmpui a ni tawh bawk. Mahse EUA pawmpui tura ngai hnuhnung ber hi DCGI-in a la tikhawtlai rih a ni. Endiktute hian naupang lak tur vaccine chu fimkhur taka kalpui an duh thu an sawi.

Official chuan uluk takin data te enfiah a nih tawh thu sawiin, November thla ral hmain DCGI aṭangin naupang tan Covaxin hman chu an pawmpui hman an beisei tih a sawi.

ZyCoV-D supply hi a tlem hle a, naupang zawng zawng daih khawp a awm lo maithei. Hei bakah hian, naupang kum 12 chunglam tan chauha pawmpuina pek a nih thu official chuan a sawi. Sorkar laipui hian naupang zinga taksa lama harsatna leh natna benvawn neite tan vaccine pekchhuah hmasak phawt a tum tih a sawi.