US-in India hnena Apache helipcoter paruk hralh a remti

US State Department chuan India hnena Boeing AH-64E Apache helicopter paruk hralh a remti.

Defence Security Cooperation Agency-in thuchhuah a siamah, India in a ngen anga attack helicopter lei tir tur hian US-India inlaichinna pawh a tihchak phah dawn a, security lama thawhdunna pawh tichakin hei hi boruak ralmuang siamna leh economy lama hmasawnna atana pawh thil pawimawh tak a ni, a ti.

Apache hi Boeing siam a ni a, he company hi India rama helicopter siam turin TATA nen an thawkdun mek a ni.

US State Department hian attack helicopter bakah AN/APG-78 Fire Control Radars pali, AGM-114L-3 Hellfire Longbow missile 180, AGM-114R-3 Hellfire II missile 90, Stinger Block I-92H missile 200, Embedded GPS Inertial Navigation Systems, 30mm cannons, transponders, simulators, training equipment leh thil dang hralhna a pawm bawk a, a thil hralh tur hi dollar maktaduai 900 man vel tur a ni.